2007.09.19 (補)

補返先

丁丁今晚去左拆線
vet 話情況ok~ 已經埋晒口架啦~
可以好似平時咁活動啦~

丁丁終於唔駛戴coller 囉~~

power 仲勁過以前
玩得仲癲過以前 =_____=|||

筲箕灣猛犬自由行發動攻擊

呢d 人! 拎去填海都嫌佢不值呀!!!


筲箕灣猛犬自由行發動攻擊Rottweilers attack



筲箕灣猛犬自由行咬完狗還要罵人


筲箕灣猛犬自由行,洛威狗主冇王管

2007.09.18

由上個sunday 開始, 丁丁個傷口都係滲水滲血...

佢一直都冇胃口, 一條雞肉+半杯狗糧都食唔晒...

呢一兩日好返d, 有返胃口, 一條雞肉+1杯浸林狗糧都食得晒~

丁丁聽日拆線囉~

希望個vet 話丁丁ok 啦 >"<~~~

附上丁丁帶左coller 既movie ^o^

2007.09.10 手術後第一天

11 months 6 days

丁丁仲係好累咁...

平時好少見倒丁丁合埋眼訓覺的, 覺得佢真係好似累爆咁~"~



丁丁個傷口 (有少少三級 =__=)



丁丁, 好好的睡一大餐吧!

2007.09.09 大件事

11 months 5 days

今日, 係丁丁「狗」生既轉捩點,
丁丁要做絕育手術啦!!

10點鐘, 帶丁丁去診所
好怕丁丁會以為我地掉低佢唔理 >"<

5點半倒, 有電話到啦~ 丁丁做完手術已經醒左, 可以帶返佢返屋企啦,
但個vet 有野要同我地講...

食埋飯, 7點鐘去接丁丁
一入去, 見倒個vet (外國人) 好凝重咁預備同我地講野, 我好驚 = =
佢第一句係「Everything was fine」類似啦 = = 我唔記得啦 = =
之後, 第二句就係「But...」
只後o個一句, 我嚇到呆了.... 以為我聽錯
個助手翻譯完後... 我證實了我冇聽錯....

Oh! my god!! 點解會咁架!
我完全接受唔到...

「丁丁佢有bb」

我聽倒呢一句, 我個腦一片空白...
丁丁起完水, 帶佢落街時, 我地已經睇到佢實一實....
雖然係有好多狗公想擒佢, 但係我地已經好快咁拉返開佢地...
唔係就係o個幾秒鐘就ko左呀 >"<

個助手同我地講返:
個手術一直都好順利, 當醫生拎佢個子宮出來時, 先見倒丁丁原來已經有4隻bb,
當時雖然應該要打比我地, 問我地想點, 但已經太遲, 因為已經拎左出來...
而o個4隻bb... vet 估計已經有2個星期...

我聽到呢到, 仲未接受到....
雖然, 丁丁年紀仲細, 跟本唔可以生bb, 所以, 點都係要對o個4隻bb 咁樣...
但... 好唔開心... 始終係4個小生命.../ . \

vet 仲話, 丁丁2隻耳仔開始發炎...
但我地有keep 住同佢抹耳仔架啦 >"<

聽完vet 同佢助手講有d 咩要注意之後, 終於可以見倒丁丁啦!!
佢o係另一度門度慢慢行出來
OMG!!
佢個樣好慘, 好可憐咁~

佢一見倒我地, 就好開心咁行快兩步....

丁丁~~~ 掛死媽咪啦~~ >"<



同丁丁慢行返到家, 即刻比水同雞肉比佢食~
之後就即刻同佢帶住個雷達
佢... 對個雷達... 冇抗拒, 但... 郁都唔郁 =__=




丁丁一直都擺出好可憐既樣...
好慘呀 >"<~~~~~~~~~~~~~~

丁丁! 等10日就可以拆線, 唔駛帶雷達架啦!!
忍下!!! 加油唷!!!